آخر فطور بهذا الشهر الفضيل..

تتبع الموضوع | أرسل لصديق | أعد هذا الموضوع للطباعة

« الموضوع السابق | ديوان المطبخ | الموضوع التالي »

زهرة الربيع	حرر في 13-10-2007, 12:33 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	السلام عليكم كانت هذه الليلة هي آخر ليالي شهر رمضان المبارك .. ودعناه ونحن ندعو الله إن يعوده علينا بالخير في العام القادم .. وإن يتقبل منا صيامنا وقيامنا خلاله .. كانت لنا هنا معكم بهذا الركن لحظات مميزة .. رأينا فيكم المتابعة والإبتكار .. أعضاء تميزوا هنا .. أذكر بعضهم وليعذرني من لم يذكر .. على رأس القائمة " الشيفان شهريار & شهرزاد " آمنت بالحسين .. كتلة فنون .. بنوتة كرانية .. البريئة .. عصير أوال .. نور العاشقين .. البرعمة كرزاية .. وأنا وفي هذا اليوم قمتُ مع عصير أوال بالدخول إلى المطبخ والقيام بمغامرات رائعة تخللتها الكثير من المقالب .. والكثير من الضحكات .. نترككم الآن مع الصور .. مشاهدة ممتعة .. طبق هريس من تحت يد الوالدة الله يحفظها .. طبعاً كان عجيب .. قيمات من صنع أختي .. أحلى شيء كان طوال الشهر هو القيمات .. ساعات ينجح وساعات يخرب .. بس ما يظل .. لأنه طبق رئيسي بالنسبة لعائلتي .. لو ما في فطور بس القيمات يكفي .. كباب من صنع أختي الثانية .. اليوم كان عجيب أكلنا منه واجد .. مع أنه طبق ثانوي جداً عدنا مو دائماً نسويه بس هالأخت تحبه فتسويه لينا .. ساقو .. عن حسب مسوتنه عصيرأوال .. بس يعني طلع حالي .. فتمت طول السفرة تاكل فيه هي مع بنت أختي الصغيرة وتقول ليها بس لا تاكلين بجيش السكري هذي تبولة هي بعد مسوتنا .. وأكيداً ما طلعت فالحة بعد .. لأنها التلحة زيدت الملح والليمون فيها .. وبعد تمت تاكل فيها مع الجاهلة وتقول ليها لا تاكلين بجيش الضغط أني أستغربت لأن ياكلون ثنتينهم وعصير عرنجوش تلعي ضغط وسكر وسكر وضغط وبنت أختي المسكينة تبلع قول وقفت !! ولا تحمق لما تقول ليها لا تاكلين !! وبعد هالفطور الدسم .. لازم الواحد يبرد على قلبه بكأس فيمتو .. ترى مو الكل يلحق عليه "حيخلصوووووه " أما هذي فهي حلاوة السميد لعقب الفطور .. عن حسب بنحلي .. هذا من صنع عصير أوال صارت شاطرة اليوم حدها واجد قامت تشتغل .. بس مو لله من الملل الضارب عليها .. ألحين بقول ليكم سر .. أني كنت متمللة بعد .. فقلت بصير كشوخي وبدخل .. آخر يوم بنسوي شيء يعني .. بدأت أنفذ مخطط في مخي لطبخة معينة .. أنجان ما تصير مثل ما كنت مخططة .. الكاكو ما صار عدل لما ذوبناه ومو كافي لكمية البسكويت .. ومافي احد يروح يجيب لينا شيء .. فكلحين نزيد الكمية ونحاول نعدل ونعدل ما فاد !! قلنا ويش العمل الحين .. قامت أختي الفاضلة أقترحت أن نفتت البسكويت في الكاكو ونخلطه مع بعض عقب نكوره ! اني اخذت بكلامها وبدأنا التطبيق .. صار الشكل مو طبيعي .. بس ويش نسوي ما نبغي نرمي الطبخة تستوي تستوي .. ما أطول عليكم .. خلصنا منها ودخلناها الثلاجة .. لما فطرنا ضقناها انجان تطلع ماصخة مافيها طعم لكاكو كلش كلش .. ومافي إلا طعم البسكويت عافس الدنيا .. وتعرفون الواحد ما يحب يكسر روحه .. وخصوصا لما أخوي تحدانا وقال تاكلونا كلها مدامكم سويتونها .. قلنا ليه بتنأكل لا تخاف .. والله وكيلكم تمت محد لمسها .. أصلا شكلها يخوف .. براويكم شكلها بس لا تتخرعون .. سمو بسم الله وطالعوا المعضلة أدري تخوف . بس ويش أسوي أختراعات ملل .. وآخر يوم .. خلصت الرغبة شوي والله يعودنا وياكم .. في سنة الجاية .. ونراويكم الطبخات الجدد .. ومقالب جديدة .. وتطبيقات أحلى .. وأن شاء الله نوصل لمطالب صديق المجابيس والبرياني مع تحياتنا ،، زهرة الربيع عصير أوال أيا غالية .. عميقُ ودي لكِ

آمنتُ بالحسين	حرر في 13-10-2007, 01:37 صباحاً
نائب المشرف العام المجموعة: إدارة المنتدى المشاركات: 9784 رقم العضوية: 452 تاريخ التسجيل: 10-12-03 آخر وسام: «المركز الثاني» أوسمة أخرى: (8)	واااااااااااااااو روعة الأكلات عجبوني كلهم وخصوصاً الهريس والكباب والساقو امممم لذيذين كلش الله يعطيكم العافية خيو وإن شاء الله ركن المطبخ ما يخمل بعد شهر رمضان الكريم ويتواصل مثل هذا النشاط وأكثر بعد الله يخلي هلمخوخ اللي تفكر همسة صغنونة : شكراً كثيراً كثيراً على الطبق الخوش شي الله يعودنا وياكم وداعاً...

زهرة الربيع	حرر في 13-10-2007, 01:41 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	هلا بالشيف آمنت خلاص انتهى شهر رمضان وأنت بلقب شيف أبدعت طوال الشهر وإن شاء الله مثل ما قلت ما يخمل الركن خلكم جدي على طول المخوخ لين فكرت تعفس واجد بس المهم تشتغل رد الهمسة: عليكم بعافية المهم عجبتكم مع تحياتي،، زهرة الربيع

عصير أوال	حرر في 13-10-2007, 02:03 صباحاً
عضو مشارك المجموعة: الأعضاء المشاركات: 469 رقم العضوية: 3959 تاريخ التسجيل: 22-01-06	أمن يوم عجييب عفسنى العفايس وطلعنا ولا عاد الحالي والمالح عجااايب ... أهمشي خلصناااهم ولا عاد طبخش بدعتين فيها .. تدرين أن أني ما دقتها بس كأني كأني أكلت وحده ولا بعد لاعت جبدي منها طاولتي العزيزة تخيل إنك مبدع ؟ !

آمنتُ بالحسين	حرر في 13-10-2007, 02:33 صباحاً
نائب المشرف العام المجموعة: إدارة المنتدى المشاركات: 9784 رقم العضوية: 452 تاريخ التسجيل: 10-12-03 آخر وسام: «المركز الثاني» أوسمة أخرى: (8)	اقتباس هلا بالشيف آمنت كبيرة عليي شيف والله شيفون حلو اقتباس خلاص انتهى شهر رمضان وأنت بلقب شيف أبدعت طوال الشهر الله يسلمكم ويخليكم كل هذا من فضل الله وثم فضل شهرزاد وشهريار وفضلكم علينا اقتباس وإن شاء الله مثل ما قلت ما يخمل الركن خلكم جدي على طول المخوخ لين فكرت تعفس واجد بس المهم تشتغل  صح تعفس بس مثل ما گلتين أهم شي تشتغل وما تخمل وتحاول وبتوصل للمطلوب إن شاء الله اقتباس رد الهمسة: عليكم بعافية المهم عجبتكم  رد رد الهمسة : امممم حيخلصوها تگولين عجبتنا عجبتني إلا خوش شي صدگ سنعة الأكلة هذي صورة من طبق العيدية تسلم الأيادي زهرة الربيع والله يدوم النعمة علينا وعليكم

زهرة الربيع	حرر في 13-10-2007, 02:37 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	هلا بالعرنجوش .. أقصد أوال .. عيد ما بنزعلها اي والله اليوم عجييب .. الحالي والمالح منش .. عجل أحد يسوي جدي .. شغلي مخش قلنا صايمة ! أولاً مو طبختي بروحي .. الأخت عفست فيها بعد .. آخرشي صارت من إبداعها .. أني بعد أكلت وحدة وجتني حالة يلا نتعلم من هالتجارب .. لين ما نوصل للأفضل

آمنتُ بالحسين	حرر في 13-10-2007, 03:02 صباحاً
نائب المشرف العام المجموعة: إدارة المنتدى المشاركات: 9784 رقم العضوية: 452 تاريخ التسجيل: 10-12-03 آخر وسام: «المركز الثاني» أوسمة أخرى: (8)	اقتباس يلا نتعلم من هالتجارب .. لين ما نوصل للأفضل باعلُّمكم عن شي صادني أمس بس لا تعلمون أحد أوكي؟! الله يسلمكم سوّيت روحي بطل وگلت بسوي أكلة السينابون تبع شهرزاد فعاد گمت أخلط المقادير ويّه بعض گبل لا أطالع الطريقة وبعدين ما انتبهت إلا أنا غلطان في طريقة العجينة وراحت عليي كلها والخميرة مو راضية تذوب زين لا والمصيبة رايح مشتري أغراض ومخاسير آخيرتها فلتها ولا كمّلتها ياالله خيرها في غيرها وبعدنا نتعلّم ولازم الواحد تصيده هالأمور علشان في النهاية يتقن الشغل زين

زهرة الربيع	حرر في 13-10-2007, 03:08 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	اقتباس باعلُّمكم عن شي صادني أمس بس لا تعلمون أحد أوكي؟! حاطنها بالركن وسر ! خخخ .. هالسنابون كل مرة نسويه تصير فيه مصيبة تقريباً .. ساعات يصيب ويا كثر ما يخيب .. أني سويته مرة خلال هالشهر .. بس مو بالعجين .. عشان يضبط ولأن بجوني ضيوف .. سويت سينابون الرول .. وسويت كمية من الشيء إلا يغمسون الرول فيه .. وصارت شوي .. ورد سويت كمية ثانية بنفس المقادير .. خسرت دارسين شكثر وبيض وحالة .. عقب طلعوا الشابات ما يحبون الدراسين واجد .. وتمت !!! انبطت جبدي عددددل ديك الحزة .. بس المهم أكلوا من باقي الأشياء لكن مثل ما قلت .. الواحد يجرب عشان يتقن .. وكل الطباخين الماهرين كانوا في بداياتهم يخبصون لين ما قالوا بس .. البيزات تروح وتجي تعوض بالجايات

شهرزاد	حرر في 13-10-2007, 03:16 صباحاً
مشرفة ركن المطبخ المجموعة: مراقبون المشاركات: 2406 رقم العضوية: 267 تاريخ التسجيل: 29-09-03 وسام: «الوسام الفضي»	ياسلالالالالالالالالالالام زهرة الربيع وعصير أول أبدعتون كل طبق أحلا من الثاني بس طبق الأختراع و أكثر شي أشتهيته صحن الهريس المفضل عندي بس وين الطبق الرئيسي صار خاطري اعرفه عليكم بألف عافيه يارب والله يعودكم

شهرزاد	حرر في 13-10-2007, 03:22 صباحاً
مشرفة ركن المطبخ المجموعة: مراقبون المشاركات: 2406 رقم العضوية: 267 تاريخ التسجيل: 29-09-03 وسام: «الوسام الفضي»	صار خاطري في السينابون آمنتُ بالحسين مثل ماقلت خيرها في غيرها وبدل العجان خلك على السينابون بالرول أسهل ولذيذه بعد زهرة الربيع لاتقولين گطيتين طبق السينابون ويش فيهم ربعش أحد يعيف السينابون

زهرة الربيع	حرر في 13-10-2007, 05:08 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	هلا بالشيف نورتوا لا تعلقين على طبق الإختراع .. ترى هو فلم هندي بس صار واقعي .. خلص الشهر والله انجان دزيت ليش صحن هريس طبقنا الرئيسي كان لحم تحت العيش .. نسيت أصوره يعافيش خيو

زهرة الربيع	حرر في 13-10-2007, 05:11 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	اقتباس زهرة الربيع لاتقولين گطيتين طبق السينابون ويش فيهم ربعش أحد يعيف السينابون احم .. هو يعني نقط وأمي حمقت علي بعد تقول لي مرة ثانية لا تسوين شيء ما يحبونه ربعي أفلام أفلام .. مو كل شيء يحبونه .. اممم وهو يعني اني مثلهم بعد

كرانية والنعم	حرر في 13-10-2007, 07:49 مساءً
مشرفة سوالف الدالية المجموعة: مشرفون المشاركات: 6594 رقم العضوية: 2175 تاريخ التسجيل: 6-04-05 وسام: «من سيربح المليون؟»	أحلـى شئ الهريسـ تسلمـ الاياديـ خلص الشهـر ولا سويتـ ولا طبخــة

بنوتة كرانية	حرر في 14-10-2007, 11:36 صباحاً
صديق المجموعة: غير مفعلين المشاركات: 1742 رقم العضوية: 4438 تاريخ التسجيل: 27-03-06 آخر وسام: «المركز الثاني» أوسمة أخرى: (2)	حاطة على عصير حطاط! على الاقل طبختها الحلاوة بالرمل أشوة منش حجارة بالوحل.. ذبحتيني من كفر ما آكل فيها! محد أكل فيها كفري..!

ام حبيب	حرر في 14-10-2007, 01:19 مساءً
صديق المجموعة: الأعضاء المشاركات: 1539 رقم العضوية: 4285 تاريخ التسجيل: 6-03-06	الله يعطيكم العافية خيو