|
بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته،،
لمن يعاني من آثار الحبوب واللون الغامق في وجهه يستخدم ( المره )
المشكلة
بشره غير موحدة اللون + أثار حبوب بنية + لون غامق
الحل : المرة
الطريقة
مافي بيت خليجي يخلى من المرة أكيد الكل يعرفها طبعا
تاخذين كم قطعة مرة صغيرة وتحطينها في فنجان أو كوب وبعدين تصبين عليها ماي دافي وتخلينها فترة لين تنقع
بتشوفين ان المرة ذابت تقريبا وصارت مثل العجينه في كعب الكوب وارتفع الماي فوق وصار لونه بني
تستخدمين العجينه
حق البثور الظاهرو أو اللي بتظهر باستخدام أعواد الاذن وتحطينها على الحبة او البثرة
النتيجه مدهشة وخلال فترة قصيره
اما الماي هو اللي تستخدمينه كغسول حق الوجه نفس الشي اخذي عود الاذن وحطيه في الماي المتكون من النقوع وبعدين مسحي فيه ويهج
ويفضل استخدام عودين واحد للجانب الايمن والثاني حق الجانب الايسر عشان ما تنقلين اي شي حق باقي ويهج
بعدين تمي فيه عادي ومارسي حياتج الطبيعية
أنا دايم استخدمه بالليل وبعدين اشوف لي فيلم او اقعد عالكمبيوتر عادي اي شي تبين تسوينه سويه
اذا بتنامين غسليه بماي فاتر من غير صابون في ناس تنام فيه بس انا ما افضل وشوفي ثاني يوم شيصير
مع الاستعمال راح تخف البقع الناتجه عن حب الشباب و ويهج راح يصفى ويتوحد لونه بأذن الله
ملاحظة
المرة يستخدمونها ا لاطباء في صنع المضاد الحيوي ويدخل في كثير من الادويه
ام حبيب
---------------------------------
العلماء الربانييون هم قادتي وسادتي وسأبقى وفياً لهم ما دامت الدماء تجري في عروقي  |
بحث
الأعضاء
التقويم
مساعدة
إغلاق نافذة خيارات الموضوع
