اليوم العمّات احتفلوا بعيد ميلاد العمّة الوسطى اللي أصغر من الكبيرة وأكبر من الصغيرة
ودخلت العام 19 ، عاد دشّوا المطبخ علشان يسوون كم طبخة بهالمُناسبة الحلوة
بس شكلها عيون ما صلّت على النبي أفسدت فرحة العمّات ولو ما أنقذوها ببعض الطبخات الخارجية
اللي تقدّمت ليها وبعض الأشياء الخفيفة اللي سووها بس ما لحگوا على التصوير
طبعاً أنا عطيتهم الكاميرا علشان يصورون الطبخات اللي بسوونها علشان نراويكم طبخ العمّات
بس للأسف شكله طبخ العمّات اليوم مو على بعضه وعيون عطتهم الضو
المهم بخليكم انتون بروحكم تتعرفون على الطبخة الأولى ويش اسمها وإليكم بعض صور الطبخة :

كل المطلوب للطبخة بالإضافة إلى السكر طبعاً

خلط كل المقادير عدا القيمر

بعد ما ينخلطون ينحطون في القالب وينحط عليهم القيمر

النتيجة بعد خروجها من الفرن

وبعد مسوين طبخة عش النحل بس للأسف احترگت شوي لو ما لحگوا عليها انچان اتفحّمت

زين لحگت على كيكة العيد انچان بيقضون عليها بس صراحة كان طعمها واجد لذيذ ، أحلى من شكلها

ولا يهمش يالعمة بكرة إن شاء الله أسوي لش أحلى طبخة لأحلى عمة
الواحد يتعلّم من تجاربه وأنا متأكِّد هذي كبوة حصان وجهزي طبخة جديدة علشان تردين
على هلعيون اللي ما صلّت على النبي

ويكفيني هنا وجود أمثالكم للرد على صفحاتي المتواضعة
شكراً كثيراً

شكراً لهذا الشرطي عفواً أقصد شكراً لهذا المرور
التباريك وصلت

نعم هي كذلك
شكراً جزيلاً لهذا المرور الجميل
أسعدني كثيراً
وبالفعل مروركم جميعاً أسعد العمّات

أگول؟ چم وزنك؟!!

أنا فگيل حد حدي يعني إذا انتَ أقل مني بشوي يعني معناتها فگيل حدك

شكراً لمروركم الحلو وعساكم على هالنشاط دوم