شيل السيف يا باسم=وطب ابحلگة "الحيدر"
مو تگعد اتحگشهم=وانت اتطالع وتفتر

اترك عنك الهدرة=وطب ابحلگة التطبير
وصدّر أمرك النفسك=وتالي صدّره للغير
اتحدْهم وانت ما تبغي=اتطبّر هذا چيف يصير
لو باين من الشغلة=على التطبير ما تگدر ؟!

شيل السيف يا باسم=وصوّب راسك الغالي
قسمت اعليك بالسيد=هادي وندبة الفالي
شغلة انريد نعرفها=من ألحين مو تالي
نبغي نختبر دمك=أبيض لونه لو أحمر ؟

شيل السيف يا باسم=وانصر ثورة المظلوم
وحقّق أكبر اهدافه=واللي حقّقه بدموم
ترى التطبير هو أكبر=هدف من نهضته مرسوم
وأما باگي الأهداف=كلها بجانبه تصغر

شيل السيف يا باسم=وشنتر منك الهامة
وجرّح هالمحاسن چان=إمامك ترفع اعلامه
خلنا نشوف دم راسك=لأجل الدين يتهامى
لو صعبة على راسك=لأجل الدين يتشنتر ؟!

شيل السيف يا باسم=وطيّب گلب ابو اليمة
وخل دمّك اليه يسيل=مثل ما سال لك دمه
وقود الموكب ابهالسيف=واشحذ في الربع همّة
ترى القائد إذا حگّت=حگايگها مَيتأخر