خجالة اويـاچ يالچفيـن= مـن طحتـي وعفتينـي
خليتـي العضيـد حسيـن= متـحـيـر يچفـيـنـي

ما مـرة أخـوي حسيـن =ظل حايـر وانـا موجـود
مـا يحتـار ابـو اليمـة =وعندي سيفي ويا الجـود
خجلتيـنـي يـالچفـيـن =بس ما طحتي عن لزنـود
وسيفي وجودي والراية =تشيلـه شلـون زندينـي

بليا اچفـوف مـا يمكـن=أشيـل الحمـل بزنـودي
ومـا أگدر أجيـب المـاي=ووفـي سكنـة بوعـودي
لو بس لحظـة يالچفيـن=علـى زندينـي اتعـودي
أشيـل الگربـة بيسـاري=وأرف العـلـم بيميـنـي

اعطيني السيف يچفوفـي=دهتنـي حالـة الأطفـال
باخوض النهـر واجلـب=إليهم گطـرة مـن لـزلال
واذا ترضيـن لـي أبگى=متعفـر عـلـى لـرمـال
تراهو حسين مـا يرضـى=يراني امگطعـة ايدينـي

حمـل حسيـن يالچفيـن=يحتـاج الـذي يشيـلـه
ولو يحتاج گطـرة مـاي=مـن غيـري يـودي لـه
وانـا مـن دون چفينـي=ما عندي لـه مـن حيلـة
كانت عندي ابها اظنـون=لكـن خابـت اظنـونـي

أشوف الأخو فـي حيـرة=من أمـره ومـن أمـري
ودمعه ايسيـل لمصابـي=ودمـي بالثـرى يجـري
ما هـو منكسـر ظهـره=أنا اللي منكسـر ظهـري
نسيت اجروحـي وآلامـي=بس مـا شفتـه يبچينـي

أريـد اعـرف ابطيحتكـم=صـارت ويـن يالچفيـن
واريـد انظركـم ولـكـن=سهم ساطي عمى لي العين
وبـدون چفـوف متحيـر=چيف احضن اخويي حسين
وبـدون عيـون چيف اگدر=في عينـه أحـط عينـي

خجالة اويـاچ يالچفيـن=ما خليتي لي بُصـرة
من جاني أخويي حسيـن=وحط راسي وسط حجـره
جبرتينـي أذب الــراس=من حجـره علـى الغبـرا
وحال حسين سهمٍ صـاب=عينـي وصـار عامينـي

أشيـل الگربـة بيسـاري = وأرف العـلـم بيميـنـي

القصد منها: أرفّ (من رفرف) أو أرفع؟!
و شكراً،