×× مكرونة الجبن ××, الدراسة وما تسوي ..

تتبع الموضوع | أرسل لصديق | أعد هذا الموضوع للطباعة

« الموضوع السابق | ديوان المطبخ | الموضوع التالي »

زهرة الربيع	حرر في 25-01-2008, 05:40 مساءً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	شخباركم وشخبار مطابخكم ؟؟ من زمان ما جيت أهني ونزلت طبخة .. لأن من زمان ما دخلت المطبخ .. البارحة وأني أدرس صار خاطري في أكل .. بعد المرض الواحد يصير خاطره في شيء ياكله .. وطبعاً من أفضل الأشياء عندي هي المكرونة .. فما عطلت دشيت المطبخ وقمت أخبص وأخبص وأخبص .. وطلعت بـ : مكرونة مليانه جين بكل ما تحمله الكلمة من معاني .. الطريقة بسيطة جداً .. فحت المكرونة .. عقب بشرت جزرتين متوسطيتين الحجم .. وحطيتهم ع نار هادئة في شوية دهن .. ولما صار لونه شوي أصفر حطيت عليه كأس ونصف جبن سائل وما كفاني رد حطيت فيه جبن الصقر مبشور صغير .. وما كفاني .. رد حطيت 4 مكعبات جبن كيري .. وصار الطعم بلااااااااوي .. عجبتهم واليوم كملناها على الغداء .. ولاد الأخت ياطلعوني وأني آكل ويقولون خلي لينا .. ما يخلون الواحد يتهنى .. بس المهم أن لما شبعوا قالوا .. " عجيبة يالخالة " ها شرايكم .. الدراسة والمرض يجيبون فايدة له ؟؟ يدخلوني المطبخ أيا غالية .. عميقُ ودي لكِ

عصير أوال	حرر في 25-01-2008, 10:18 مساءً
عضو مشارك المجموعة: الأعضاء المشاركات: 469 رقم العضوية: 3959 تاريخ التسجيل: 22-01-06	الااااااااي مكرونة جبن ... شكلها فن وين نصيبي ... الله يغربل الأمتحانات إن شاء الله ما خلتني أكل المكرونة إلا احبها تسلم إيدش ... حقي العافية طاولتي العزيزة تخيل إنك مبدع ؟ !

زهرة الربيع	حرر في 25-01-2008, 10:25 مساءً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	هلا بعصير أوال أي والله كانت فن .. خلصتها أني ومرت خالش .. كانت تنضحُ جبناً فضيعة .. ماعلي .. لين خلصنا الإمتحانات رد بنسويها بس ينحط فيها شوية ملح لأن صارت شوي ماصخة

الأصيل	حرر في 26-01-2008, 12:24 صباحاً
عضو نشيط المجموعة: رابطة الرّياضيين المشاركات: 997 رقم العضوية: 1469 تاريخ التسجيل: 4-11-04	اقتباس (عصير أوال @ 25-01-2008, 10:18 مساءً) وين نصيبي ... الله يغربل الأمتحانات إن شاء الله ما خلتني أكل المكرونة إلا احبها لا خيووو السالفة مو سالفة امتحانات السالفة فيها تحيّز عدل لة؟؟ لو يمبون يعطونة چان جابوا البيت والله ويش تقولين خيووو لاكن احنا على الفضيل لين فضل عطونة وياريت بعد يجيبون لينا الا ادا رحنا بيتهم طلّعوا من الفلاجة وچعمونا ابة لا كن الصرااااااحة صدق انا أكلت من الفضيل لاكن وهي صدق كانت ماصخة لاكن انا متعود على الماصخ غدانة يومياً ماصخ كانت عجيييييييييييييييييبة عدل هذه المشاركة حررت بواسطة الأصيل في 26-01-2008, 12:28 صباحاً

شهرزاد	حرر في 26-01-2008, 04:27 صباحاً
مشرفة ركن المطبخ المجموعة: مراقبون المشاركات: 2406 رقم العضوية: 267 تاريخ التسجيل: 29-09-03 وسام: «الوسام الفضي»	هلا بالشيف المختفيه ماتشوفين شر يارب بس شكل المرض يطلع بنتايج عجيبه أقول زهرة الربيع نسيتين تحطين جبن مثلثات وجبن سليس أكيد أكيد راح تطلع ألذ ما أقول إلا الله يساعد الوالد على المخاسير مايسوى عليهم دشتش للمطبخ الجبن غالي هالأيام شكلش ماتدرين بالدنيا بس عن جد بالعافيــــــــــــــــه على قلوبكم تسلم الأيادي وعسانا ماننحرم من دخلتش للمطبخ وفي إنتظار آخر أبتكاراتش المطبخيه بس بدون مخاسير ياربي الله يساعدكم على الإمتحانات للحين ماخلصتون والله يوفقكم يــــــــــــــــــــارب

زهور	حرر في 26-01-2008, 12:39 مساءً
مشرفة الديوان الطلابي المجموعة: مشرفون المشاركات: 3308 رقم العضوية: 42 تاريخ التسجيل: 18-08-03 آخر وسام: «نشاط متميز» أوسمة أخرى: (5)	تسلم الأيادي اقتباس (زهرة الربيع @ 25-01-2008, 05:40 مساءً) الطريقة بسيطة جداً .. فحت المكرونة .. عقب بشرت جزرتين متوسطيتين الحجم .. لو أني منش ما تعبت روحي أبشر جزر! خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ وَ إِنْ عِشْتُمْ حَنُّوا إِلَيْكُمْ.

طفولة	حرر في 26-01-2008, 03:10 مساءً
صديق دائم المجموعة: البراعم المشاركات: 6341 رقم العضوية: 81 تاريخ التسجيل: 20-08-03 آخر وسام: «المركز الأول» أوسمة أخرى: (9)	اقتباس (زهور @ 26-01-2008, 12:39 مساءً) تسلم الأيادي اقتباس (زهرة الربيع @ 25-01-2008, 05:40 مساءً) الطريقة بسيطة جداً .. فحت المكرونة .. عقب بشرت جزرتين متوسطيتين الحجم .. لو أني منش ما تعبت روحي أبشر جزر! يلا سويها عجل

زهرة الربيع	حرر في 26-01-2008, 04:11 مساءً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	الأصيل " الشلاخ .. أبليس الرجيم " لا تطلع حجايج ولا تسوي روحك مسكين ها .. لو فضيل إنجان ما كانت غداي .. ولو ما أبغي اعطيك ما جبت ليك كمجة ومررتها ليك وقدامك صينية لحم .. ثانيا أني مريضة .. المفروض انت تجي تسأل عني انجان مت ديك الليلة اصلا .. أكيد لذيذة كفاية أني مسوتنها .. وفيها نفسي المريض

زهرة الربيع	حرر في 26-01-2008, 04:17 مساءً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	هلا بشهرزاد .. شحالج ؟ الشر ما يجيش خيو .. أكيد مسوي عمايل هالمرض أفتر ع البيت كلهم واحد واحد .. ودبحني ليلة الإمتحان .. لكن المهم رحت قدمته .. مافي هالأنواع من الجبن لو فيه ما قصرت .. البابا ما يقصر .. لو قلت ليه جيب بعد بجيب .. من السنة حسنة لين سألني شتبين عشاء يكون جوابي بنوع من انواع الأكل .. فلما يسمعني أقول أبغي آكل .. لو أطلب البرادة بيشتريها .. ومريضة داك اليوم فخلاص طلباتي أوامر .. على عمري هالأبو .. ما يقصر .. بلى .. أدري بالدنيا .. الله ياخذ السبب .. حتى الجبن صار غالي .. بس يعني ما خسرت واجد .. كأس البابا اشتراه .. نص كان في الثلاجة حطيته .. الصقر .. أشتراه أخوي الحليو عقب ما صبغت فيه شوي .. الكيري من عند مرت أخوي .. لفيت عليها يوم خلص الجبن من بيتنا .. أي أوكي .. أكو في كنافة في الثلاجة .. تتنتظر طبخة .. إذا عندش حركات ليها حطي .. واذا هذا بنسويها عادية .. بس مو الحين إذا خلصنا .. الجماعة في بيتنا بنخلص 31-1 عقب بتشوفونا نفتر اهني بإذنه .. دعواتكم

زهرة الربيع	حرر في 26-01-2008, 04:20 مساءً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	هلا زهور تفهميني ما شاء الله عليش رفضت .. ما استطيع خبرش لعدة أسباب .. أولشي أيادي وثاني شيء التعب بس حكم القوي ع الضعيف .. الأخت كانت وياي في المطبخ ومن زنتها .. رضخت للأمر الواقع وسويته .. بس طلع وياها فن وسويها لطفولة بمجرد ما تخلصين إمتحانات الرسول قال .. أعطفوا ع الصغير .. مو مجوعنهم مساكين .. ما ارضى عليهم .. طفولة حبيبتي .. إذا ما سوت ليكم .. حياكم 3 معزومين عندي ع معكرونة جدي .. بشرط .. لا تنسوين المقبلات .. عليكم

طفولة	حرر في 26-01-2008, 06:29 مساءً
صديق دائم المجموعة: البراعم المشاركات: 6341 رقم العضوية: 81 تاريخ التسجيل: 20-08-03 آخر وسام: «المركز الأول» أوسمة أخرى: (9)	اقتباس (زهرة الربيع @ 26-01-2008, 04:20 مساءً) وسويها لطفولة بمجرد ما تخلصين إمتحانات الرسول قال .. أعطفوا ع الصغير .. مو مجوعنهم مساكين .. ما ارضى عليهم .. طفولة حبيبتي .. إذا ما سوت ليكم .. حياكم 3 معزومين عندي ع معكرونة جدي .. بشرط .. لا تنسوين المقبلات .. عليكم يا ريت تسمع الكلام خلاص ببدأ اطلب بها من الحين اني ما اعرف اسوي مقبلات تبين بيضة اعرف او شاي اذا كلّش

زهور	حرر في 26-01-2008, 08:01 مساءً
مشرفة الديوان الطلابي المجموعة: مشرفون المشاركات: 3308 رقم العضوية: 42 تاريخ التسجيل: 18-08-03 آخر وسام: «نشاط متميز» أوسمة أخرى: (5)	اقتباس (زهرة الربيع @ 26-01-2008, 04:20 مساءً) حياكم 3 معزومين عندي ع معكرونة جدي .. هذا الخيار أحسن واحد! و المقبلات ما يحتاج! لأن قبل كم يوم سويت شوربة! (ماي فيه نودلز)!!

طفولة	حرر في 27-01-2008, 12:38 صباحاً
صديق دائم المجموعة: البراعم المشاركات: 6341 رقم العضوية: 81 تاريخ التسجيل: 20-08-03 آخر وسام: «المركز الأول» أوسمة أخرى: (9)	اقبل بشرط انكم تعطوني جلكسي لأني آخر العنقود

زهرة الربيع	حرر في 27-01-2008, 11:44 صباحاً
مشرفة ديوان التسجيلات الإسلامية المجموعة: مشرفون المشاركات: 3035 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	طفولة مو تشوفين روحش عليّ .. انتين عنقود بيتكم واني عنقود بيتنا .. سوو .. ثنتينا لينا جلكسي .. وبما أني الأكبر وتوني بخلص إمتحاناتي .. المفروض لي أبو 400 ولش أبو 200

بنوتة كرانية	حرر في 27-01-2008, 03:28 مساءً
صديق المجموعة: غير مفعلين المشاركات: 1742 رقم العضوية: 4438 تاريخ التسجيل: 27-03-06 آخر وسام: «المركز الثاني» أوسمة أخرى: (2)	من متى قلتين ليي بتسوين معركونة صدقية وبناكلها مع بعض! من رمضان للحين ما شفت شي!