|
امصلّى العابد السجاد=يســــــــــأل والگلب موجوع
في وينه سيدي ومولاي=فارگني ولا لـــــــه ارجوع
في وينه اللي يسلّيني=ابصــلاته التنعش الإحساس
ولا في الناس مثلاته=وصـــــــــلاته دون كل الناس
وتعقيب الصلاه نحبة=علــــى حسين وعلى العباس
وعلى زينب وحــــال أيتام=هلكت بالعطش والجوع
على موعد صلاته يجي=وأشوفه عنّي اتأخر
ما جـــــا چــــــان ايآنسني=عســـى عنه بعيد الشر
وياما كان يسمّعني=مصيبة دامــــــــــــــــي المنحر
ويگول الجسم مــــــن دمه=امزمّل والنحر مگطوع
من يوگف إلــــــــــى الباري=ويتوجه له بخشوعه
ينهي ابزفرته فرضه=ويبللني مـــــــــــــــــن ادموعه
على اللي ابكربلا جابوا=لــه خيل ورضت اضلوعه
ويگول ابكسرة اضلوعك=يبويه كسّروا لي اضلوع
أذكر مرة من صلّى=صـــــــــــــلاته ابليلة الوحشة
مرة يوگف ومرة=عليه امـــــــــــــن الحزن يغشى
ينادي آه يلمذبوح=ياللــــــــــــــــي ما انرفع نعشه
لكن يا وسف راسه=على ذروة رمــــــــــح مرفوع
لازمته وأنــــــــــــــــــــــا أسمع=منه ونّته كل حين
على المظلوم ما وگّف=دمعه ومـــــــا هدأ له اونين
وكلما صــــــــــــــاح واتزفّر=نادى آه يراس حسين
مرة بالرمح مرفوع=ومـــــــــــرة بالطشت موضوع
چم مرة شعب گلبي=لأنْ گلبه حزن تارس
وأعظم ليلة احدعشر=من صلّى وهو جالس
لأنه عاين الوالد=على صدره الشمر دايس
وصار المشهد ابعينه=سهم لليوم مو مطلوع
ويوم اللي يزيد النوح=منّه وأسمعه ينحب
أعرف هالألم كله=لخاطر عمته زينب
دايم يذكر العمة=وخدرها الراح واتسلّب
وتشب أحزان في گلبه=وتتحدر لهيب ادموع
يمصلّى علي السجاد=ملتمّة عليك اهموم
إمامك مـــــــــــا بيجيك اليوم=ولا تنتظره بعد اليوم
سهم العدا فــــــــــي چبده=دس ليه بالخديعة اسموم
وسهم افراگ ابوه حسين=مـــــــن گلبه مهو منزوع
الحمراني 31/1/2008م
هذه المشاركة حررت بواسطة الفك المفترس في 31-01-2008, 06:38 مساءً
 |
بحث
الأعضاء
التقويم
مساعدة
إغلاق نافذة خيارات الموضوع
