إلى مواليد الستينات والسبعينات وبداية الثمانينات!, الباقي لا اتعبون نفسكم وتقرون

تتبع الموضوع | أرسل لصديق | أعد هذا الموضوع للطباعة

« الموضوع السابق | ديوان تراث كرانة | الموضوع التالي »

الخباز نت	حرر في 13-03-2008, 10:36 صباحاً
صديق دائم المجموعة: الأعضاء المشاركات: 2714 رقم العضوية: 218 تاريخ التسجيل: 11-09-03 آخر وسام: «ريشة الفنان» أوسمة أخرى: (2)	بسم الله الرحمن الرحيم اللهم صل على محمد وآل محمد السلام عليكم ورحمة الله وبركاته،، مواليد الستينات والسبعينات وبدايةالثمانينات فقط الباقي لا اتعبون نفسكم وتقرون تذكرون لما اييلك واحد مليغ من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي تصارخ منها . ‏تذكرون لما كنا نصور فوري عند مصور الجمعية وطبعا غصبن عليك الخلفيه زرقه مب بكيفك ولازم تمشط شعرك بالمشط اللي عنده كله شعر وبعدين يغسلك الصورة بالآله اللي عنده ام ذراع والاطراف مشرشره يعني يكون حركه . ‏ويعطيك الصور بعد أسبوع تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما يطيحون مع 6 ‏دفاتر - ‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة الين تطلع بلاعيمك وياها . تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله ويا البسكوت المالح خخخخخخ. تذكرون يوم الجمعة ... ‏نقعد من الصبح علشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب . تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل . ‏تذكرون لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك.... تذكرون شريط الجراخي الاحمر اللي اذا اخترب المسدس ماله ما يبيله كلام حًول على كعب الوالده وكمل عليه بالكاشي والا على كاشي الباب اخر شي الوالده مكمله عليك بالكعب ‏تذكرون لما كنا نحط بالفريزر العصير الطويل بونصين عشان يثلج وكل ماتروح تبي تاخذه تلاقي الوالده منزلته تحت وماثلج.....‏راحت الفرحه . تذكرون لما كان الاولاد يغسلون الحوش بالبروش والصابون قمة الوناسه يمسك المساحه يعني يكون بيساعد واخر شي طايحله سكيتنج على الكاشي والزوليه وفليل وارمه ريله. تذكرون لما كنا نستقبل الحجاج من زود الفرحه واللهفه على الصوغه واخر شي كم مسواك وقحفيتين والكاميرا الحمره وسياده والبنات قطعه خام مالت هنود وساعه. تذكرون لما كنا نشوف مسرحيات الأطفال مثل السندباد والزرزورر والف باء تاء اللي فيها عبدالرحمن العقل ولما الحرامي يكون وراه نصرخ من قمة راسنا ورااااااك وراااااااك وهو يقول وينه وينه يميييييين يميييييين....‏ياعيني على الاستهبال . تذكرون عزايم قبل والصفره المفروشه على كبر الصاله اللي على صورة ( ‏فواكه ) ‏وريحته لازم ريحة مطبخ وجالسين على الزوليه اللي يوم تقوم تلاقي ريلك كلها شخوط من الزولية..يا خي شو هالزهد بس. تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين ‏على كل الكتاب وين الشي المهم مادري. تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الأهلي يعني كووول والمشط بالدرج اللي على قبضة يد سيارة الجاكسون وحاط بالمسجل جعفر الدرازي ولا مهدي سهوان . . تذكرون اول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثواره .... ‏ولازم طبعا يمر على الربع بالفريج يصيح ويلات عليهم....‏واديلوووووو بريك وبترول تذكرون لما كانت جائزة البيبسي سياره بغطيان الغراش كنا الظهر نروح ورا الدكان ونبطل الغراش كلها وبعدين نرد نسكرهم اي كلام تشوف الغازات كلها طايره ومتبخره وصاير ماي . ‏تذكرون لمايقول الاستاذ او المدرسة ان هذي الصفحات ملغيه ايوااااااااااا تعال شوف الشخابيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ...... تذكرون لما نتضارب مع ولد الييران وتقوله وخرعن بيتنا وعن رصيفنا يقولك مب رصيفكم هذا رصيف الحكومه كلام منطقي الصراحه , ‏ويقعد يحوس جدام البيت ويمر جدام ويقولك ماجستك ما جستك خخخخخ . تذكرون لما يروحون الأولاد السوق مع الوالد يشتري لهم قطع ثوب حق العيد ..‏اخر شي شاري طاقه كامله نفس اللون وتشوف باول يوم العيد من الوالد اللين الاخو الصغير نفس الثوب ( ‏تقول فرقة عياله.) تذكرون يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووبا واخر شي منكسره ظهورهم ..... ‏تذكرون المسجل الأسود مال استاد الانجليزي يوم يدش علينا فيه قمة الوناسه اليوم ما فيه شرح يعني مافي اسئله ونرووووح نشغل الراديو يوم يكون مشغول ويا الطلاب ..... ---------------------------------

خادم القائد	حرر في 14-03-2008, 12:47 مساءً
صديق المجموعة: الأعضاء المشاركات: 1504 رقم العضوية: 6687 تاريخ التسجيل: 21-03-07	أي والله خباز، كانت أيام جميلة ---------------------------------

طفولة	حرر في 14-03-2008, 12:52 مساءً
صديق دائم المجموعة: البراعم المشاركات: 5737 رقم العضوية: 81 تاريخ التسجيل: 20-08-03 آخر وسام: «الوسام الذهبي» أوسمة أخرى: (8)	اقتباس ‏تذكرون لمايقول الاستاذ او المدرسة ان هذي الصفحات ملغيه ايوااااااااااا تعال شوف الشخابيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ...... هذي الظاهرة للحين ما انقرضت موجودة بداية كل فصل دراسي جديد ---------------------------------

زيـــــنه	حرر في 14-03-2008, 12:57 مساءً
عضو نشيط المجموعة: الأعضاء المشاركات: 972 رقم العضوية: 205 تاريخ التسجيل: 6-09-03 آخر وسام: «المركز الأول» أوسمة أخرى: (2)	اقتباس تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والاحلى الا لونه احمر ما ترجع الايام شكرا خباز نت ---------------------------------

شهرزاد	حرر في 15-03-2008, 01:18 صباحاً
مشرفة ركن المطبخ المجموعة: مراقبون المشاركات: 2166 رقم العضوية: 267 تاريخ التسجيل: 29-09-03 وسام: «الوسام الفضي»	اقتباس ‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة الين تطلع بلاعيمك وياها . هالمعجون أكثر شي كنا نشتريه أيام العيد وطبعا تخلص العيديه على هذا والبالونات بعد وآخر ليل مانقدر ننام من البلاعيم أيام جميله ---------------------------------

كتلة فنون	حرر في 15-03-2008, 12:41 مساءً
مشرفة الديوان الفني المجموعة: مراقبون المشاركات: 4284 رقم العضوية: 5656 تاريخ التسجيل: 12-09-06 وسام: «مشرف نشيط»	اقتباس تذكرون لما اييلك واحد مليغ من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي تصارخ منها . لحقت عليها هالحركة اقتباس ‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة الين تطلع بلاعيمك وياها . ههههههههههههه على فكرة هالمعجون للحين موجود في البرادات بس رقوه ريحته أفضل من قبل اقتباس ‏تذكرون لما كنا نحط بالفريزر العصير الطويل بونصين عشان يثلج وكل ماتروح تبي تاخذه تلاقي الوالده منزلته تحت وماثلج.....‏راحت الفرحه . ههههههههههه ونحط في العصير قفشة ونسويه أسكريم اقتباس ‏تذكرون لمايقول الاستاذ او المدرسة ان هذي الصفحات ملغيه ايوااااااااااا تعال شوف الشخابيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ...... للحين موجودة هالحركة يسلمو الخباز نت موضوع جميل ---------------------------------

كرانية والنعم	حرر في 28-03-2008, 10:34 صباحاً
مشرفة سوالف الدالية المجموعة: مشرفون المشاركات: 6327 رقم العضوية: 2175 تاريخ التسجيل: 6-04-05 وسام: «من سيربح المليون؟»	سلام من الله عليكم ورحمة منه وبركاته ... اقتباس ‏تذكرون لمايقول الاستاذ او المدرسة ان هذي الصفحات ملغيه ايوااااااااااا تعال شوف الشخابيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ...... هذي الظاهرة للحين منتشرة احنا مو بس نشخبط احنا نشقق الأوراق موضوع جميل شكرًا --------------------------------- اللهـم وفقنـا وإيـاكم بـحق غريـب كربـلاء

زهرة الربيع	حرر في 29-03-2008, 10:31 مساءً
مشرفة ديوان التسجيلات الإسلامية المجموعة: مشرفون المشاركات: 2716 رقم العضوية: 43 تاريخ التسجيل: 18-08-03 آخر وسام: «طاهي بارع» أوسمة أخرى: (4)	امس كانوا مسوين في روضة بنت اختي عيد ميلاد احد الأطفال وعطوهم هدايا .. من ضمنهم كان ذا الشيء : اقتباس ‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة الين تطلع بلاعيمك وياها . عاد أول شيء جاء في بالي وأني أنفخ هو هالموضوع فقلت لازم اصورهم وانزلهم ---------------------------------

شذى الروح	حرر في 29-03-2008, 11:02 مساءً
صديق دائم المجموعة: البراعم المشاركات: 4977 رقم العضوية: 163 تاريخ التسجيل: 31-08-03 آخر وسام: « إكشف الصورة» أوسمة أخرى: (3)	اقتباس تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين ‏على كل الكتاب وين الشي المهم مادري. ههههههههه .. اي للحين موجودة عند البنات عاد بأقلام ألوان و أشكال . . شكراً الخباز على الموضوع الراائـع .. ---------------------------------