$. البيت السعيد وحوستي في المطبخ .$

تتبع الموضوع | أرسل لصديق | أعد هذا الموضوع للطباعة

« الموضوع السابق | ديوان المطبخ | الموضوع التالي »

البيت السعيد	حرر في 10-04-2008, 08:48 مساءً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	بسم الله الرحمن الرحيم، السلام عليكم ورحمة الله وبركاته، شخباااااااااااااااركم عسااااااااااااكم بخير وبصحة وعاااافية، إنزين ما آبي أطول عليكم، يايبة لكم اليوم ثلاث من طبخاتي، سويتهم في يوم واحد، في الإجازة أحاول أفنن حق بيتي في الطباخ وأدلعهم على الآخر، نبتدي بأول طبخة، الدجاج بالفرن نبتدي بالمقادير دجاج متبل من الليل (مقادير التتبيلة: روب+سنوت+جلجلان+ملح+فلفل أسود+إشوية بهارات مخلوطة+رشة زنجبيل مطحون) بطاطس مقطع شرائح عاصرين عليهم ليمون طماط مقطع شرايح جزر مقطع طوالي بصل مقطع طوالي ثوم مقطع طوالي + ثوم مفروم فرم ناعم بروكلي ملعقتين زيت زيتون (كلاص جبن صغير فيه ملعقتين صلصة طماط مذوبينها في ماي دافي) الطريقة 1- أول شي ناخذ البايركس ونصف الآلو فيه كأول طبقة، وفوق الآلو نصف الطماط بالتساوي مثلما تشوفون بالصورة 2- بعدين إنصف البصل والثوم فوق الطماطم، ورشي إشوية ملح وفلفل أسود في هالمرحلة 4- بعدين خلي الدياي مثلما تشوفون، وإخذي الثوم ودهني فيه سطح الدياي، لا تخافون بختفي الثوم تماما ولا راح يبين، وصفي الجزر والبروكي، وبعدين رشي فلفل أسود، وآنا خليت حبات هيل لأن المطحون يخليه إيصير إشوي أسود، وصبي على عدال مخلوط الصلصة والماي 5- بعدين صكيه بورق ألمنيوم وخليه بفرن حامي من قبل، وشغلي بس التحتي، وخلي النار هااادية والطبخة إتصير على راحتها، ولما إتطلعينها راح تكون بهالشكل بالصورة ذي كانت صح صح طبخة لذيذة، بشهادة اللي كلوا (العيش الأبيض واللي مطبوخ على أصوله، خليت فوقه بصل محموص + زوريش (حب رمان إيراني ))حامض)

البيت السعيد	حرر في 10-04-2008, 08:50 مساءً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	إنزين الطبختين الثانيتين عبارة عن حلو الكيك الرخامي بصلصة الكاكو الغنية المقادير: خلطة كيك جاهز + 2 بيض+ ربع كاس زيت + كاس وربع ماي + باكينغ بودر (علشان تنتفخ زيادة) + نص كوب كاكو بودر، مقادير الصلصة (4 كاكو جلكسي مذاب في حمام مائي، ربع إصبع زبدة ، علبتين داناو على كاكو) الطريقة: 1- سوي الكيكة نفس الطريقة على العلبة، شيلي نص الكمية وخليه على صوب، والنص الثاني خلطي معاه كاكو بودر، 2- لما تصبين، أول شي الأبيض وفوقه الكاكو وحركي إشوي بالسكين 3- خليه بالفرن ويطلع بهالشكل 4- الصلصة: ذوبي الكاكو مع الزبد ولما يسيحون ضيفي داناو، ولما تبرد إشوي صبيها على الكيكة وهي باردة ودخليهم الثلاجة 5- طلعها وفتحي الجوانب على سعة وراحة، وزيني الكيكة باللي تحبينه الطبخة الأخيرة طبقات الجيلي والسميد المقادير الطبقة الأولى جيلي أناناس + علبة أناناس شرائح الطبقة الثانية جيلي أحمر الطبقة الثالثة ثلاث ملاعق كسترد + ملعقة ونص سميد + حليب سائل + سكر + نكهة الفانيلا الطريقة: 1- كل طبقة إتعدينها وتصبينها وتخلين الطاسة في الثلاجة لين تستوي 2-والكستر نفس الشي، خلطي مقادير الطبقة الثالثة مع بعض، لين يصير غليظ، وبعدين رفعيه عن النار وخليه على صوب ولين برد تماااااااااااما صبيه فوق طبقة الجيلي الحمرة، وفي النهاية زيني بالمكسرات وعلينا بالعاااااااااااااااافية، ونطروني بالطبخات الياية هذه المشاركة حررت بواسطة البيت السعيد في 10-04-2008, 08:51 مساءً

طفولة	حرر في 10-04-2008, 09:26 مساءً
صديق دائم المجموعة: البراعم المشاركات: 6319 رقم العضوية: 81 تاريخ التسجيل: 20-08-03 آخر وسام: «الوسام الذهبي» أوسمة أخرى: (8)	اهلا بالبيت السعيد طبخات لذيذة خاطري في chips ---------------------------------

عصير أوال	حرر في 10-04-2008, 10:19 مساءً
عضو مشارك المجموعة: الأعضاء المشاركات: 469 رقم العضوية: 3959 تاريخ التسجيل: 22-01-06	فن فن فن الكيكة شكله فن خاطري اطبقها لين طبقتها براويكم النتائج تسلمين أخت البيت السعيد وعليهم بالعافية إلي أكلوا --------------------------------- طاولتي العزيزة تخيل إنك مبدع ؟ !

آمنتُ بالحسين	حرر في 11-04-2008, 01:56 صباحاً
نائب المشرف العام المجموعة: إدارة المنتدى المشاركات: 9784 رقم العضوية: 452 تاريخ التسجيل: 10-12-03 آخر وسام: «المركز الأول» أوسمة أخرى: (7)	أهلاً بهذه العودة وهذا النشاط المتفجر تسلم الأيادي طبخات أكيد ولا أحلى كفاية شكلها بس يعطيكم ألف عافية ---------------------------------

شهرزاد	حرر في 11-04-2008, 03:05 صباحاً
مشرفة ركن المطبخ المجموعة: مراقبون المشاركات: 2406 رقم العضوية: 267 تاريخ التسجيل: 29-09-03 وسام: «الوسام الفضي»	ياهلا ياهلا مرحبتين من جديد خيو البيت السعيد مشرفتنا والله ماشاالله ماشاالله كل أكله أحلى من الثانيه عجبني الدجاج بالفرن شكله لذيذ تسلم الأيادي وبالعافيـــــه على قلوبكم عسى دوم هالنشاط ناطريـــــــــــن باقي الطبخات

حلاوه تويتي	حرر في 11-04-2008, 05:26 صباحاً
عضو نشيط المجموعة: الأعضاء المشاركات: 519 رقم العضوية: 4414 تاريخ التسجيل: 24-03-06	مـــا شــــاءَ الله .. اللهم صليّ على محمد و آل محمد .. شهالزيـــــــن؟؟!! شهالطبخات السنعه ؟؟!! فيه منافسين واجد ..، وحنا ما ندري ... المُـتـألقتـان البيت السعيد & شهرزاد .. دُمتم في هذا الركن بكل نشاط و عافيه وهناء .. لا عدمنا هذي الطبخات العجيبه .. الحين استعين في من وقت الحاجه؟ احترت ...! تسلم الأيادي البيت السعيد .. وخلنا نشوف جديدش

البيت السعيد	حرر في 11-04-2008, 10:10 صباحاً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	اهلا بالبيت السعيد طبخات لذيذة خاطري في chips ههههههههههههههههههه الجبس ما يبي له شي، المرة الياية راح نحطه لج، وتسلمي على الرد والمرور

البيت السعيد	حرر في 11-04-2008, 10:22 صباحاً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	اقتباس (عصير أوال @ 10-04-2008, 10:19 مساءً) فن فن فن الكيكة شكله فن خاطري اطبقها لين طبقتها براويكم النتائج تسلمين أخت البيت السعيد وعليهم بالعافية إلي أكلوا يا هلا والله فيج إختي عصير أوال، أي طبقي وراوينا إبداعاتج، وترى نااااااطرين تطبيقج وقواج الله عزيزتي

البيت السعيد	حرر في 11-04-2008, 10:28 صباحاً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	اقتباس (آمنتُ بالحسين @ 11-04-2008, 01:56 صباحاً) أهلاً بهذه العودة وهذا النشاط المتفجر تسلم الأيادي طبخات أكيد ولا أحلى كفاية شكلها بس يعطيكم ألف عافية الله يسلمك ويعافيك أخوي، بعد ما يرد الكريم إلا اللئيم، وما قصرتوا على المجهود الكبير، وعسى المنتدى دوم عامر، ولكم تحياتي

البيت السعيد	حرر في 11-04-2008, 10:35 صباحاً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	هلا والله إختي شهرزاد، تسسلمي والله على هالكلام واخجلتي تواضعنا، الله يعافيك ويسلمج، ما قصرتي على التشجيع، إي يبي لج تجربينه، كان صج طعمه رااائع، ولي عودة إن شاء الله بالطبخات اليديدة هذه المشاركة حررت بواسطة البيت السعيد في 11-04-2008, 10:38 صباحاً

البيت السعيد	حرر في 11-04-2008, 10:44 صباحاً
عضو متابع المجموعة: الأعضاء المشاركات: 256 رقم العضوية: 437 تاريخ التسجيل: 3-12-03 وسام: «طاهي بارع»	اقتباس (حلاوه تويتي @ 11-04-2008, 05:26 صباحاً) مـــا شــــاءَ الله .. اللهم صليّ على محمد و آل محمد .. شهالزيـــــــن؟؟!! شهالطبخات السنعه ؟؟!! فيه منافسين واجد ..، وحنا ما ندري ... المُـتـألقتـان البيت السعيد & شهرزاد .. دُمتم في هذا الركن بكل نشاط و عافيه وهناء .. لا عدمنا هذي الطبخات العجيبه .. الحين استعين في من وقت الحاجه؟ احترت ...! تسلم الأيادي البيت السعيد .. وخلنا نشوف جديدش ههههههه، أخلجتي تواضعنا حبوبة ما قصرتي على التشجيع والرد الحلو، بس آنا وين وشهرزاد وين، أهية ما شاء الله عليها مبدعة من قلب، عيني عليها باردة، بصراحة ردج بث فيني النشاط والحماس، الله يعطيج العافية وعسااااااااااااج على القوة

نور العاشقين	حرر في 11-04-2008, 11:10 صباحاً
عضو نشيط المجموعة: الأعضاء المشاركات: 555 رقم العضوية: 6902 تاريخ التسجيل: 28-04-07	يسلمو على الطبخات الحلوة ---------------------------------

علاوي	حرر في 11-04-2008, 03:05 مساءً
صديق دائم المجموعة: رابطة الرّياضيين المشاركات: 8778 رقم العضوية: 208 تاريخ التسجيل: 6-09-03 آخر وسام: «ريشة الفنان» أوسمة أخرى: (2)	أهلا بعودتك أخت البيت السعيد أفضل طبخة الكيكة شكلها كشخة ---------------------------------

أحمد	حرر في 11-04-2008, 03:22 مساءً
صديق المجموعة: الأعضاء المشاركات: 1964 رقم العضوية: 62 تاريخ التسجيل: 19-08-03 آخر وسام: «إكشف الصورة» أوسمة أخرى: (4)	سلام أهلا برجوع البيت السعيد صراحة طبخات كل وحده أحلى من الثانية بس أحسن شي الطبخات الدسمة دجاج بالفرن ونتمنى نشوف المزيد... تحياتي... هذه المشاركة حررت بواسطة حمودي في 11-04-2008, 03:23 مساءً --------------------------------- El-Maestro Zizou is the best player