جدّينا وتعب جـِـدنا وجَـدنه
و لنا بهام العلا گصـّـه و جدنه
دسنا اعلى صدر همنا و وّجـِدنه
و ورثنا جدودنا جود و جـِـدّيّة

نصفح لو تضرنا الناس عمده
باشا الوالد امّا الجد عمده
بناية ْ التربية وهم ليها عمده
نصاحه وسيطرة وبيئة نقية

برزانتنه الرّزانه استوت ذَقـْـنه
و من الكوثر قدح خصـّـيص ذقنه
ميثـنينـه الجهل عن حق ذقنه
ولا اتـْـغرنا شواريبـَـه و لـِـحـِـيـّـه

مخطوط التعب بجبين جَـدّي
و بخدود الأبو لعبي وجدّي
يناگة طاعتي ابـّـر أمي جدّي
كثر ما سـِهْـرت و خافت عليّ

رجايل أمك الجنة تحتها
وذنوبك كلها طاعتها تحتها
شجر عمرك اتحمّل لا تحتها
تالي وين تحصل ليك فيّة

رضى أمك و بوك اربّح اجنان
وِعـَيـّـشـْـك الحياه توفيق واجنان
فلا ترضى يبهدل عگلك اجنان
أبوك او أمك الأمة الأبية