شوفوا فك المفترس كل يوم يكتب شي جديد
وشعره ما يبلى مدى الأزمان لو يبلى الحديد

من مديحه يچسي الممدوح ثوب امن الحرير
ومن هِجاه ايفصخه ويرميه في نار السعير
اتشوفه ساعة المتنبي وساعه اتشوفه جرير!
وللفهم شعره گريب وللكتابة شي بعيد

المفترس شاعر عدل والعدل ماحد ينصفه
في الوصف لو يبغي حتى ابليس يگدر يوصفه
ورغم كل هالمقدرة مجهول ماحد يعرفه!!
أبو سارة ما ايعرفونه إلا بولس و لبيد

كل بنات افكاره ابكار وجميلة وناصعة
والأبوذية ابحلاوة بنته سارة الوادعة
وثگل موّاله صعب ينشال حتى ابرافعة
وگفلته ايبيد الجبل وحروف منها ما اتبيد!

حاشا يم التتن يرگى مستواش المفترس
وشعرش ابديرتنا منه أي محل مو منترس ؟!

شعرش ابديرتنا صاير أحلى من كبسة دجاج
هذا في أوقات يحلى وذاك كله بالمزاج
ومن تحطي الريشة تطلع رسمة تضوي كالسراج
اتحرك احساس الذي يحس بالشعر والما يحس

عفية يم التتن دخنة لكن الريحة عطر
من حرارة قافياته الشمس تضوي للگمر
يسمعه الأصمخ وينظر ليه مكفوف البصر
ينسبك بيت التتن والدخنة بالمعنى تطس

گلهزة وحدة وشوف ابها العنوان العريض
من شعرها الحلو واحد باري ، و واحد مريض
وآخر يخمّن ، وآخر يدّعي ، وآخر يبيض
وآخر ابمعنى شعرها ابليل فهمه بس يعس

شعر الفك وشعر النارجيله
شغل مضبوط ماظن في مثيله
حكم واخلاق خذ منّه وسيله
واذا واحد استشكل هي كفيله
في لحظه تنفعه وتنفع خليله