| |
 أحلى قصة لأحلى جمعة الجزء الثاني, لأحلى أبطال.. |
| كتلة فنون |
|
مشرفة الديوان الفني
المجموعة: مراقبون
المشاركات: 5048
رقم العضوية: 5656
تاريخ التسجيل: 12-09-06
آخر وسام:
«الوسام البرونزي»
أوسمة أخرى: (2)
|
السلام عليكم ورحمة الله وبركاته
الشمس من شهور ما غابت ومن آخر غياب ليها كان بتاريخ 1/2/2008م وإحنا إندفنا في بيوتنا بس الشمس قررت تحررنا من أسرنا وقالت خلني أغيب يوم ثاني غابت الشمس وطلعو الأبطال للجمعة الثانية الي كانت البارحة الموافق 30/4/2008م
أبطال الجمعة الثانية هم 
كتلة فنون , مشلوخة , بنوتة كرانية وصديقتها الدفشة , زهرة الربيع , سدرة المنتهى , زهور, طفولة , طفلة القرية , عصفورة الجنة , فراشة الأمل , وزينوب , وسويرتنا , وبنوته حلوة , بالإظافة لحور وكانت أصغرنا..
وفي هالجمعة ما عندنا أبطال باليد ..
موقع التجمع وتحديد الوقت والتاريخ : كتلة فنون
أول الحضور : سدرة المنتهى الي مسكينة ضاعت وهي تدور بيتنا , ثاني الحضور زينوب والي بعد ضاعت وضيعت الي جابها معاها لين طرشت لهم أخويي , وبعدهم حضرو بنوتة كرانية وصديقتها الدفشة وطفلة القرية وسويرة , ثم طفولة وزهور وزهرة الربيع , وإنتظرنا الباقي ووصلت عصفورة الجنة وفراشة الأمل وبنوتة حلوة وحور الصغيرة , وبعدها جت صديقتي مشلوخة ,
أول ما تجمعنا بدأت حرب بالمخاد  الي بالمجلس أني بدأتها على طفلة القرية وبعدين زهرة الربيع دخلت في الحرب عليي وعلى بنوتة كرانية الي على غير عادتها كانت مسالمة البارحة .
ما راح أطول عليكم الكلام وراح نبدا مع بعض الصور الملتقطه 
هذي صورة السفرة قبل ما نفتح الأكل 
بعد ما فتحنا الاكل
وهذا صحن زهرة الربيع قبل ما تحط ليها أكل
وهذا اكلها الي قدرت عليه وكل شيء نعطيها إياه تقول ما آكله 
جيگ الفيمتو الي في البداية كانت عصفورة الجنة هي الي تصب في الگلاصات قامت بنوتة كرانية تقول أني ما أبغي قلاص أني أبغي الجيگ كامل.. 
وبعد العشاء جى دور السويت الي كان عبارة
عن كيكة جوكليت مالت عيد ميلاد 4 أشخاص منه
وهم : كتلة فنون , بنوتة كرانية , طفلة القرية , مشلوخة
مواليد شهر 4.. 
بالإظافة لطبق كانت جايبتنه سدرة المنتهى
مع إني قايلة لحد يكلف على روحه ويجيب شيء 
ولا أنسى إنه الكيكة من إنفتحت صار الهواش على البترفلايات  بعدين كانت وحدة من نصيب فراشة الامل والثانية من نصيبي.. 
الكيكة بعد ما شغلنا الشموع عليها وكل وحدة فينا ليها شمعة
صحن زهرة الربيع الي ما أكلت منه إلا گفشتين
وهذا صحن طفولة 
أحسن وحدة بالكيك كانت زهور عجبتني أكلت قطعتها
ولا أنسى سالفة زهرة الربيع لما قامت صارت
صاحت وكطعت الكلينكس إلى 8 أجزاء
وإستخدمت گطعة حق تمش دموعها
إلي ما بينو ولما سألتها ليش مگطعة الكلينكس
بهالطريقة گالت ليي لأنه إبيزات  
وهذي صورة كطعة الكلينكس الي مشت بها دموعها
وفي النهاية قاموا صاروا كلهم مشو وخلوني بروحي ويال الشمس الي طلعت وفرگتنا ..
توته توته خلصت حتوتتنا
إنتظرونا في حتوتات ثانية 
المخرج والسيناريو والحوار
كتلة فنون 
---------------------------------
 |
|
|
| طفلة القرية |
|
عضو مشارك
المجموعة: الأعضاء
المشاركات: 357
رقم العضوية: 5292
تاريخ التسجيل: 5-08-06
|
إن شاء الله دوم نجمع مو يوم...
والله يعودنا هالسنة وكل سنة..
صدق كان عجيب يوم قعدنا نفلت لمخاد على بعضنا..
ولما فلتت عليي زهورة الربيع لمخدرة إلا تسوي بنوتة هي أختي أني موجودة...
ههههههه..
الله يعودنا إن شاء الله..
|
|
|
| زيـــــنه |
|
عضو متميّز
المجموعة: الأعضاء
المشاركات: 1022
رقم العضوية: 205
تاريخ التسجيل: 6-09-03
آخر وسام:
«المركز الأول»
أوسمة أخرى: (2)
|
بالعافية يا بنات والله لا يفرق بينكم
 ويجمعكم على المحبة دوووم
بس يمكن بنوتة خايفة من الامتحانات والسنه تخرج 
وربي يوفقكم يا حلوات
---------------------------------
|
|
|
| بو جاسم |
|
عضو متابع
المجموعة: الأعضاء
المشاركات: 111
رقم العضوية: 7724
تاريخ التسجيل: 8-09-07
|
الكيكة شكلها ينين
---------------------------------
 .. بــــــــــــــــ جاسم ــــــــــــــــو .. |
|
|
| كرانية والنعم |
|
مشرفة سوالف الدالية
المجموعة: مشرفون
المشاركات: 6591
رقم العضوية: 2175
تاريخ التسجيل: 6-04-05
وسام: «من سيربح المليون؟»
|
بسم الله الرحمن الرحيم
سلام من الله عليكم ورحمة منه وبركاته ...
ويلي على الكيكة
عليكم بألف بألف عافية
وعقبال 100 سنة 
---------------------------------
|
|
|
| زهرة الربيع |
|
مشرفة ديوان التسجيلات الإسلامية
المجموعة: مشرفون
المشاركات: 3014
رقم العضوية: 43
تاريخ التسجيل: 18-08-03
آخر وسام:
«طاهي بارع»
أوسمة أخرى: (4)
|
اقتباس كتلة فنون , مشلوخة , بنوتة كرانية وصديقتها الدفشة , زهرة الربيع , سدرة المنتهى , زهور, طفولة , طفلة القرية , عصفورة الجنة , فراشة الأمل , وزينوب , وسويرتنا , وبنوته حلوة , بالإظافة لحور وكانت أصغرنا.. يا عمري عليكم .. الله يخليكم وكل مرة يزيدكم يارب .. اقتباس أول ما تجمعنا بدأت حرب بالمخاد الي بالمجلس أني بدأتها على طفلة القرية وبعدين زهرة الربيع دخلت في الحرب عليي وعلى بنوتة كرانية الي على غير عادتها كانت مسالمة البارحة .  اني ما سويت شيء !!
اني اصلا اهدأ وحدة فيكم .. انتون شياطين 
بنوتتي .. اساساً طول عمرها هادئة ومسالمة.. كان الأكل زياد عن الحد المعقول ..!
كلفتين ع روحش خيو .. مع أني موصتنش ..
كفاية شوفتكم وتجمعكم الحلو .. يخلي الواحد يشبع  أصلاً أكلت وااااجد لدرجة ان بطني تعور
بس يعني مو من هذي الإختراعات إلي ما آكلها  ..
بس تفشلت حدي ويا مشلوخة تقول لي شنو تاكلين انتين !!
 عفرهالدجاجة نكتتني واجد بالخصوص لما فتحتها فراشة الأكل كانت الفلصة عجيبة 
وعفر أكلت منها جزء بسيط كلش .. لأن كان كل مخي فـ
من داك الشسمه .. حبيتش حدي لأنش جبتينه ..
أح ع هالإختراع .. الحياة بدونه كلش مو وردية
يذكرني بزهرتي .. كل مرة اروح بيتهم يكون وجبتي الرئيسية جيك منه نقطة أهون من الدغابيش إلا صادتها في جمعتنا الأولى
بس هي ما شاء الله عليها كريمة .. تأكل كل إلي عليها تسلم الأنامل خيو سدرة .. والله وتطبخين بعد 
يلا .. طبقي وخليه في الديوان عشان تشجعين الباقي  أحلى شعور أعتراني خلال القعدة كلها .. هو وقت تجمعكم حوالين كيكتكم ..
تآلفكم رائع .. جمعتكم حلوة .. أعياد ميلادكم المتقاربة رووعة ..
والكيكة .. ما كانت حليوة واجد ..
إلا كانت عجييييييييييييييييييييييييييييبة بوجودها كرمز لأربعكم
فكل عام وأنتون بألف صحة وسلامة يارب 
كتلة شفيش مصخنة هذا مو صحني !!
تذكري عدل .. أني صحني أكلتين منه انتين عقبي ..!
وما أكلت منه بس گفشتين أكلت أكثر .. لأنه كان لذيذ حده 
قمتون صرتون صيحتوني واجد البارحة
حتى يوم ديك الشسمه .. طفلة القرية تناحسني .. قاموا كلهم صخوا ولا دافعوا عني ..!
وشفتين أني اي قد كريمة .. ما أحب أخسرش واجد .. استخدمت شوي منها بس
الباقي للقادم بإذنه .. بس لا تصيحوني واجد ترى أشبع عن العشاء وختاماً .. الله يحفظكم لي .. ويخليكم .. ويدومكم على هالمحبة .. وأن شاء الله كل مرة تغيب الشمس
ونشوفكم .. ونتفالع بالوسائد .. ونتهاوش ع البرتفلايات .. والفراشة تفلص لي الدجاج .. والبنوتة تكون أحلى .. والكتلة تكون بدون دموع وكلشي يصير مثل ما تتمنى .. والمشلوخة بخير كل عام ..
والحور بدون " الجداب الله يوديه النار " .. والعصفورة بدون النحاس ع الشسمه .. والطفلة بدون حجايج بعد .. والسارة والدفشة والطفولة والزهور والسدرة وبنوتة حلوة بدون هدوء زايد .. والزينوب بدون حجي عن مدارس وجامعات
هذه المشاركة حررت بواسطة زهرة الربيع في 1-05-2008, 06:46 مساءً
---------------------------------
 أيا غالية .. عميقُ ودي لكِ |
|
|
| كتلة فنون |
|
مشرفة الديوان الفني
المجموعة: مراقبون
المشاركات: 5048
رقم العضوية: 5656
تاريخ التسجيل: 12-09-06
آخر وسام:
«الوسام البرونزي»
أوسمة أخرى: (2)
|
اقتباس يا عمري عليكم .. الله يخليكم وكل مرة يزيدكم يارب ..
ويخليج وإن شاء الله كل مرة بنزيد
خسارة نقصونا مرتش ونقصتنا قوت القلوب و عصير أوال
كان مكانهم فاضي ولهم وحشة
اقتباس اني ما سويت شيء !!
اني اصلا اهدأ وحدة فيكم .. انتون شياطين
بنوتتي .. اساساً طول عمرها هادئة ومسالمة..
أكيد ما في شك في إنج ما سويتي شيء
ولا في أي أدنى شك بأن بنوتة مسالمة
لانكم طالعين عليي
اقتباس كان الأكل زياد عن الحد المعقول ..!
كلفتين ع روحش خيو .. مع أني موصتنش ..
كفاية شوفتكم وتجمعكم الحلو .. يخلي الواحد يشبع
إنتون الي ما أكلتون أني ما كلفت على روحي
اقتباس أصلاً أكلت وااااجد لدرجة ان بطني تعور
بس يعني مو من هذي الإختراعات إلي ما آكلها ..
بس تفشلت حدي ويا مشلوخة تقول لي شنو تاكلين انتين !!
عفرهالدجاجة نكتتني واجد بالخصوص لما فتحتها فراشة الأكل كانت الفلصة عجيبة
وعفر أكلت منها جزء بسيط كلش .. لأن كان كل مخي فـ
من داك الشسمه .. حبيتش حدي لأنش جبتينه ..
إنتين لو تاكلين أقل شيء بطنش يتعور
وبالنسبة لأكلش إنتين مختسفة الله يساعد أمج عليج
وبالنسبة للشسمه أني اليوم استانست به الصبح كملته
بس آخر مرة أجيبة ليش لأنش ما تنعطين وجه صوبه
اقتباس أح ع هالإختراع .. الحياة بدونه كلش مو وردية
يذكرني بزهرتي .. كل مرة اروح بيتهم يكون وجبتي الرئيسية جيك منه
حيخلصوه إلحق عليه
اقتباس نقطة أهون من الدغابيش إلا صادتها في جمعتنا الأولى
بس هي ما شاء الله عليها كريمة .. تأكل كل إلي عليها
إي والله 
اقتباس أحلى شعور أعتراني خلال القعدة كلها .. هو وقت تجمعكم حوالين كيكتكم ..
تآلفكم رائع .. جمعتكم حلوة .. أعياد ميلادكم المتقاربة رووعة ..
والكيكة .. ما كانت حليوة واجد ..
إلا كانت عجييييييييييييييييييييييييييييبة بوجودها كرمز لأربعكم
فكل عام وأنتون بألف صحة وسلامة يارب
تسلمين والله يعودنا وأسوي كيكة أحلى منها
اقتباس كتلة شفيش مصخنة هذا مو صحني !!
تذكري عدل .. أني صحني أكلتين منه انتين عقبي ..!
وما أكلت منه بس گفشتين أكلت أكثر .. لأنه كان لذيذ حده
عجل القطعة الي في الصورة الثانية لج بنزلها بكرة
إي كملتها عقبش
اقتباس قمتون صرتون صيحتوني واجد البارحة
حتى يوم ديك الشسمه .. طفلة القرية تناحسني .. قاموا كلهم صخوا ولا دافعوا عني ..!
وشفتين أني اي قد كريمة .. ما أحب أخسرش واجد .. استخدمت شوي منها بس
الباقي للقادم بإذنه .. بس لا تصيحوني واجد ترى أشبع عن العشاء
صحتين لدرجة من النوم الي فيني
وفيج كنا نضحك بشكل هستيري
اقتباس وختاماً .. الله يحفظكم لي .. ويخليكم .. ويدومكم على هالمحبة .. وأن شاء الله كل مرة تغيب الشمس
ونشوفكم .. ونتفالع بالوسائد .. ونتهاوش ع البرتفلايات .. والفراشة تفلص لي الدجاج .. والبنوتة تكون أحلى .. والكتلة تكون بدون دموع وكلشي يصير مثل ما تتمنى .. والمشلوخة بخير كل عام ..
والحور بدون " الجداب الله يوديه النار " .. والعصفورة بدون النحاس ع الشسمه .. والطفلة بدون حجايج بعد .. والسارة والدفشة والطفولة والزهور والسدرة وبنوتة حلوة بدون هدوء زايد .. والزينوب بدون حجي عن مدارس وجامعات
خوش خاتمة وأحلاها
اقتباس والحور بدون " الجداب الله يوديه النار "
كانت حور عجيبة كل ما نقول ليها شيء تقول الجداب الله يوديه النار
اللهي عودنا يالله خل نجهز برنامج للعطلة |
|
|
| طفولة |
|
حرر في 2-05-2008, 09:48 صباحاً
|
 |
|
صديق دائم
المجموعة: البراعم
المشاركات: 6243
رقم العضوية: 81
تاريخ التسجيل: 20-08-03
آخر وسام:
«الوسام الذهبي»
أوسمة أخرى: (8)
|
كانت جمعة لطيفة..
الله يعودكم
---------------------------------
|
|
|
تتبع الموضوع
استلام إشعار بريدي عند الرد على هذا الموضوع في الوقت الذي تكون فيه غير متواجد في المنتدى.
الإشتراك في هذا المنتدى
استلام إشعار بريدي عند نشر أي موضوع جديد في هذا المنتدى في الوقت الذي تكون فيه غير متواجد في المنتدى.
تنزيل / طباعة هذا الموضوع
تنزيل هذا الموضوع بهيئات مختلفة أو عرض نسخة الطباعة لهذا الموضوع.
|
|
بحث
الأعضاء
التقويم
مساعدة
