دمعـي نــزل حـين الــماي= روّى يــا بويـــه گــبرك
وإلــبابي چــنّه دفــــنك= صـــدّر إليـــهم أمــرك
گصــدوني وصـبري يطـلب= يـا بويــه فـاضل صــبرك


گصـــدوا دار واتعــــنّوا= فــي هالمحــنة ايواســوني
يشـــهد علــيهم بـــابي= واعـــتابي ويــة اعــيوني
وحــتى الجــنين اعلــيهم= يشـــهد وگــبله امــتوني

عــزّوني بـــداري إلفـگدك =لــن بيــها شـفت الهجـمة
مسـحوا خــدّي مـن لدمـوع= لــن جـتني بــيها لطــمة
وقّــف إتصــعِّد لنـــفاس =لــن ضلعي رفسـة اتهشـمه

عيــني انعـمت مـن صـحبك= والعــــبد بـــيّه أثّـــر
لوّعــني بســوطه والــباب= مـن گــبله ضلـعي اتكــسّر
ومــن هجمـته يــم لعـتاب= محــسن جنـــيني اتعــفّر

مألــومة بضــربة بـــابي= لــمّن عصــرني بلـــجدار
يـا بويــه مــنّه حسّــيت= فــي صـدري نابـت مسـمار
ودمــي نــزف والدنـــيا =ظلــمة بــعد هاللّــي صـار

مـــن فتّــحت اعـــيوني= شــفت الجنـــين ابـــدّمه
مــيّت وچـــنه اعـــيونه =وش ذنـــبي تــسأل يــمّه
ودمــعي يــجاوب يبـــني= لــتزيّد گلــــبي بهــمّه

وطلــعوا حــيدر مـن داره= وبــگوة شفـــته امگـــيّد
صــابر وعـــينه تنـــظر =جـــدّامه جــسمي امــدّد
لله الصـــبر يــا بـــويه= لَــنْ بالوصـــية اتگـــيّد

بضــلوعي ظــلت لوجــاع= وجسـمي انتــحل واتعــذّب
احــسب بــعدها الأيــــام =وعــيني دمــعها ينصــب
للّــي جــرى لــي بــعدك =وفگـدك يــا بـويه اصـعب