آثرت الصبر والعزم وانـّي
إلى الديوان قدّمت التونـّي
خفت انه التـّونـّي ايزيد ونـّي
وعليه ونــّيـت وهو ما ون عليه

يأعضاء الثقافة انتبهوا إنَّ
ديوان الثقافة فيه إِنَّ
أشوفه يحتضر وبصوته أنَّ
كأنَّه گرَّبت منّه المنية

يمن حبَّيت هالديوان لمّا
حبايب كنّه متجمعين لمّه
وصخ ما نمبي في الديوان لِمّه
وخل روح الثقافة تكون حيَّة

سكن مهجور هالديوان أصبح
على ما هو عليه كل يوم أصبح
يمن غافل من الأعضاء أصبح
وشوف الحل حگ هذي القضية

ديواني فقير الحال أمسى
ما في فرق بين اليوم وأمسه
مثل كوكب وعنّه تغيب شمسه
وكل أجرامه ونجومه الضوية

أبد ما يحتضر والفك حاضر
جاهز ليه في كل وگت وحاضر
رسم ماضيه وخطط ليه حاضر
بفكه الساطي وحنوچه الگويّة

إذا رد الفنر بنواره والفكْ
من العقدة ابشروا بالحل والفكْ
يديوان ابتهج لك عاد ولفكْ
تجيك النارجيلة ابأحلى جيّة

يصوت الصمت هالعنوان غيره
على گولة الأسود أبو الغيره
ما يدري الأخو هو ويَّه غيره
عليه واجب مثل ماهوعليَّه